சந்திரன்

சூரியன் மறைந்து 
சூழ்நிலை  தெரிந்து
சந்திரன் ஓடி வருகிறான்
செய்தி தெரிந்து
காரணம் சொல்லி 
சோற்றை ஊட்டினாள்
என் அம்மா!

பூமியைச் சுற்றி 
பூவாய் மலர்ந்து 
மலை மேல் ஏறினான் 
மதி!
அவன் வருவது தெரிந்து 
சட்டியை எடுத்து 
தாவி ஓடினாள்
என் பாட்டி!
                      - அரிமா

மேலே உள்ள கவிதை என் மகன் அரிமா எழுதியது. கடந்த வாரம் திண்டுக்கல் சென்று திரும்பி கொண்டிருந்தபோது அவனிடம் எதாவது எழுது என்று கூறினோம். எதிரில் தெரிந்த பௌர்ணமி நிலவை பார்த்து இதை எழுதினான். யார் அந்த பாட்டி என்று கேட்டோம். பதில் ஆச்சர்யமாய் இருந்தது! நீங்களும் அனுமானிக்க முடிந்தால் பகிர்ந்து கொள்ளவும்.